Euskal Girotze Barnetegiak

2018-2019 DEIALDIA EZ DAGO IREKITA ORAINDIK

Euskal Girotze Barnetegiek, batez ere, etxeko eta/edo kaleko erdal giroan bizi diren ikasleei euskal giro aberats bat ezagutzeko eta, are gehiago, bertan euskaraz bizitzeko aukera eskaintzen diete.
Horixe dute helburu nagusia barnetegietako egonaldiek: euskal giro goxo eta aberatsean, bizipen gogoangarri bat izateko aukera eskaintzea. Era horretan, ikasleen euskara ikasteko prozesuari eta hizkuntzarekin duten harreman afektiboari bultzada eragingarria eman diezaioten. Batez ere zera lortu nahi da: euskaraz lehen pausoak ematen ari diren ikasleei hizketan askatu ezin hori gaindiaraztea; euskaraz komunikatzeko gai direla konturaraziz beren buruekiko segurtasuna eta konfiantza sortzea, eta hitz-etorria indartzea. Beraz, barnetegien xede nagusia ikasleen hizkuntzaren erabilera eta haren aldeko motibazioa indartzeko ekintzak burutzea izango da.

Azken urteotako eskaintzari jarraiki, aurten ere dauden bost Euskal Girotze Barnetegietako batera joateko eskaera egingo du eskabidea betetzen duen ikastetxeak: Hondarribia, Lemoiz, Barria, Elgoibar eta Segura. Etxe hauetan 4 eguneko egonaldiak egiten dituzte A, B zein D ereduko ikasleek; betiere beren irakaslearekin datozen ikasgela osoak izan behar dute. Barnetegi hauek ikasturtean zehar egiten dute lan, bertaratzen diren ikasgelak astero aldatuz.

Ikastetxeak egingo duen eskaera barnetegiren batean txanda eskuratzeko izango da, baina ez barnetegi jakin batean. Txanden banaketa egiteko eratuko den batzordeak egingo du bost barnetegietako egonaldi-txanden esleipena.

Martxoaren hasieran, ikastetxearen helbide elektroniko ofizialean jasoko duzue deialdia  araudiarekin eta, herri ikastetxeen kasuan, Eskabideak betetzeko, sinatzeko eta bidaltzeko behar diren argibideak

Barnetegien 2016-2017 ikasturterako araudia eta triptikoa.

Dakizuenez, iaztik Deialdia kudeatzeko prozedura desberdina da, herri ikastetxeek eta itunpeko ikastetxeek, nork bere prozedura izango du:

    Herri ikastetxeak: Eskabidea egiteko sakatu Herri ikastetxeen eskabidea
    Itunpeko ikastetxeak: Eskabideak egiteko, sinatzeko eta bidaltzeko sakatu Itunpeko ikastetxeen eskabidea

Txanden esleipena egin ondoren, irailaren hasieran barnetegietan egiten den bileran emango zaizue gainontzeko informazioa.

Hemen duzu EGB-rako SARBIDEA.